Bertha Zuckerkandl univa dal’auta borghesia judiera - si pere fova n liberal de man ciancia y n editëur de zaites - scrijova bele da jëuna tla majera zaites de Viena articuli cumbatifs sun l’ert y la politica. Si salon cunesciù fova n zënter d’ancunteda per i cërtli liberai y progressifs. Canche la balarina y atëura Maria Lex à cunesciù la jurnalista mpenieda fovela plëina de ntujiasm:
“La fova na star, na stëila, l cë dla nteligënza de Viena. La fova defin autramënter che l’ëiles che cunesciove. La ova n’aura de lidëza! Zeche che ie n’ove udù pra degun’autra ëila, nianca pra mi oma. La fova scialdi segura de sé, la dajova ora n sentimënt ciaut, na jentilëza… la se ntupova de politica y ova na gran cumprenscion per l umann. La ne fova nia la figura che la univa rateda. La ne ova no zeche de baroch no presentovela la belle epoque, la ne fova nia na persona de si tëmp. La univa dal daunì. Ie la amirove dassënn“.
Maria Lex

Autora

Ingrid Runggaldier
Redadeura

Son de Urtijëi, é studià anglistica/americanistica y germanistica a Dispruch, de prufescion sons tradutëura (dantaldut tl ladin) y lëure tl Ufize Cuestions Linguistiches dla Provinzia autonoma de Bulsan. Ie me nteressei de cultura n generel, plu avisa de rujenedes, de leteratura, de “mendranzes” d’uni sort – da chëles linguistiches a chëles sozieles, religëuses y de pensier. Ti ultimi ... >>