“L'é béleche les set, demò les set. L temp me à sapù tant lènch...da canche i me à portà chiò sa la cèsa de paussa, me sà che no rue mai net. Soula sun chela mia cariega te vèrde o Segnoredie sun chela pìcola crousc sunsora mie let. La é dura Segnoredie min stèr chió. Tantocant l'é pa ben stat miec coscì. Tu te sès, é abù n muie de fies e é fat n muie de sacrifizies per i fèr studièr. Ades i é duc inciasé . Me sà de aer fat dut l possìbol. Ma tu Segnoredie te sès di egn passé e ic, mi fies, i no é più chi che cognoscee...
É sche raza idea che i me abie arbandonà, no é béleche più neves da ic: sé Segnoredie che i à n muge da fèr te sia pìcola families, coscita gé fosse bele n veie jech, n peis per ic, n problem...
Segnoredie, anché l'é domegna e nesciun l'é vegnù a me troèr. Se i saessa cotant ben che ge voi, a ti posse te l dir: ades che no son più ùtola a nesciugn vegnarèste Segnoredie tost a me tor, che?”



Autora

Claudia Conta
colaboradora

CLAUDIA DORIGOTTI (alias CLAUDIA CONTA)

Mie inom l'é Claudia, i ladins me cognosc desche Claudia Conta, ajache me sà bel durèr mie sorainom de familia ladina per me fèr cognoscer. Per me l'é doventà n inom, n marchie e mia identificazion. Da passa 20 egn laore con e per l ladin e la cultura a 360 degrees. Per me l'é n besegn, n piajer, na pascion fona, tant fona che zenza no son bona de stèr. ... >>