Cunescëis’a la Silbergasse, la streda di arjentieres, a Bulsan? L ie una dla lueges che é particulerënter gën. Frabiches storiches sciche l Palaz Mercantil, bars y ustaries cun si meises y stuei alalergia, la butëiga Aufburg, una dla pueces che ne vënd nia la solita roba de seria, dut chësc ti dà n carater pitoresch. Ma ch’sta streda ie nce la sënta de de plu ufizies, studi de aucac y architec, ambulatueresc de dutores y redazions de zaites. Tres chsta streda soflel n’atmosfiera de not liegher. Ma l miec de dut ie l pitl aier dan l teater-cabaret Carambolage. D’ansciuda y d’instà iel l ncësa de na populazion cighënta y rijënta de sbóc. Sce la seva cun la cunedides di programs de teater che l stluj ite sciche n gran culere ie per ël plutosc na prutezion o n dann ne sei nia. A uni maniera ti mbinci na vita longia.

Autora

Ingrid Runggaldier
Redadeura

Son de Urtijëi, é studià anglistica/americanistica y germanistica a Dispruch, de prufescion sons tradutëura (dantaldut tl ladin) y lëure tl Ufize Cuestions Linguistiches dla Provinzia autonoma de Bulsan. Ie me nteressei de cultura n generel, plu avisa de rujenedes, de leteratura, de “mendranzes” d’uni sort – da chëles linguistiches a chëles sozieles, religëuses y de pensier. Ti ultimi ... >>