Karthaus o Certosa l’é n pìcol paìsc ite te un convent. No entenede delvers? Ei, un paìsc logà ite te un convent desconsacrà! Zacan, del 1326, sun chest col de la Val Senales, i frati certojins aea metù su un convent che dapò, do entraunides de vigne sort, l’é vegnù serà sù del 1782. Da enlouta la jent se à logà ite te la loces del convent e i lo à fat deventèr un paìsc zis originèl: cèses, ostaries, gejies e capeles, dut adum te un cheder interessant. Na bela espojizion anter ite l veie convent la conta duta la storia e a ge jir dintornvia ai veies mures se troa la pedies religiouses, ma no demò, ence de vita de duc i dis (l poz di pésc per en dir una), de chisc frati che aea troà su per chesta veres un bel post per se dedichèr a la orazion e a la contemplazion. Da no perder la cortina con bela làpides artistiches e l sepolcher che se pel ite demò enjeneié jù.

Autora

Olimpia Rasom
Redadora

Cresciuda te Fascia, vive a Busan con chi de ciasa. Me piasc scriver de fémenes, contar sia stories, cognoscer sia vites. Da canche é scomenzà mia enrescida per l dotorat su la eles ladines, no é più lascià lò de scriver con eles. Mete adum ence documentars e reportage per la tv, no demò su la fémenes, e mete a jir picola enrescides e evenc.

Nata e cresciuta in val di Fassa, ora vivo a Bolzano ... >>