Elena Testor, fascèna, l’é la pruma ela ladina che se sentarà sui scagns del Senat a Roma. N bel travert per la Procuradora de Fascia. Esser e lurèr a Roma sarà na ocajion per portèr sia ousc femenila, dessema a la autra 7 eles litèdes tel Trentin-Sudtirol, sun desvaliva cuestions che reverda la eles e n generèl l miorament de la sozietà (vera valivanza de oportunitèdes per dutes e duc, lurier, familia). Elena Testor, candidèda te la lista de Forza Italia, la é ruèda ite tel Colege Fascia, Fiem e Valsugana con l 41,35% de la preferenzes.

A ela ge fajon de bela congratulazions e ge sporjon i miores augures de bon lurier.