L cous cous ie na spezialità tipica dl’Africa. L vën fat cun blava y pona tanfà sëura l’ega via
L cous cous ie na spëisa che n possa njenië ca te truepa manieres. N possa l maië cun verdura, coche pomodori y zuchini, ma nce cun cërn de gialina y vadel o cun pësc. L cous cous possen nce maië frëit, l fajan per ejëmpl coche salata cun fruc de mer. L ie nce adatà per fé roba dëucia. Cun l cous cous vëniel cujinà dantaldut tl nord dl’Africa, ma nce ti paejes dl Urient, coche per ejëmpl tl’Arabia. Plu dagiut maioven te chëi paejes l cous cous dantaldut ajache l fova plu bonmarcià che no i riji. Man man ie l cous cous pona nce ruvà tl’Europa. Tla Sicilia l cunëscen bele dal Medieve incà, da canche i arabs ova sëurantëut la ijula.

Per la Butëiga dl Mond de Urtijëi, Gherdëina

Autora

Sofia Stuflesser
Culaboradeura

ie nasciuda ai 26.07.1994 a Persenon. Do la scola mesana àla fat l lyzeum de rujnedes a Bulsan. Tl mumënt studieiela storia, storia dl'ert y biologia tla Università de Dispruch. La à laurà doi d'insteies pra la Usc di Ladins y scrij for inò articuli per la lies, per la butëiga dl mond y de zënza vel’ manifestazions.