Chesc libret de Angelika Overath ie l diare de n ruvé a destinazion, l diare dla scuvierta dl sé te n pitl paesc tla Elpes, plu avisa di Grijons. N luech de chei che l nen ie trueps tla montes, un de chi luesc che viv dl turism y dla jent che ven y va per rejons de leur, de temp liede, de familia... L'autora ie unida a sté a Sent, ulache la ova plu iedesc passà la feries. Tlo àla cumprà na cesa lascian do sé na vita te zità, n leur, relazions sozieles. Tlo mperela a se cuncé ite si vita da nuef cun l uem y l mender de si trei mutons. Tlo mperela a cunescer jent nueva y dantaldut na rujeneda nueva, l rumanc vallader. L liber ie nce nteressant propi per chesc aspet: l ti va permez a na rujeneda y a na cultura da mont che n tend a cunscidré pitla, ma che per l'autora deventa oget de gran nteres y amor, ma nce festide.

La plu bela frasa dl liber ie stata per mé:

"(Es gibt Menschen, die geben einem Freiheit. Und andere verführen in die Enge. Vermutlich muß man gerade beim Altwerden achtgeben und auf die Freiheit setzen.)"

Autora

Ingrid Runggaldier
Redadeura

Son de Urtijëi, é studià anglistica/americanistica y germanistica a Dispruch, de prufescion sons tradutëura (dantaldut tl ladin) y lëure tl Ufize Cuestions Linguistiches dla Provinzia autonoma de Bulsan. Ie me nteressei de cultura n generel, plu avisa de rujenedes, de leteratura, de “mendranzes” d’uni sort – da chëles linguistiches a chëles sozieles, religëuses y de pensier. Ti ultimi ... >>