L culëur sciche na pel

Jamila Moroder à studià Pitura al’Academia de Bologna y al’Università de Paris 8. ëila à laurà coche trucadëura (“Maskenbildnerin”) a Londra y svilupà inant si pitura y dessëni. Se enteressan daldaldut ala perzezion culturela di culëures tl Ozidënt.

Do si viages a New York y sun la Comores lëura Jamila nce dedora dl aterlier tla lerch publica, sciche tla metropolitana, cun na cunzezion liedia dla pitura y la se nuza nce de “found materials”, spray, laca, tinta, pigmënc, acryl y uele, tratan la spersa da culëur sciche na pel che vën laureda y trasfurmeda.

Si lëur ie unì metù ora te mostres solo Velato /Verschleiert tla Stadtgalerie a Persenon y FE/MALE tl chemun de Bulsan, y te mostres de grupa danter auter tla Talia, ti Paejes Tudësc, tl’Austria y tla Inghiltiera. Jamila lëura y viv tl mumënt a Urtijëi y a Paris.